Амь, Алба хоёроо ялгахгүй яваа Нийслэлийн Эрүүл Мэндийн Газрын дарга цагаан халаадтан Б.Бямбадоржын фактууд

Ковидоор хөлжөөд улс төрийнхөн дунд гүйж яваа цагаан халаадтан Б.Бямбадорж Нийслэлийн Эрүүл Мэндийн Газрын өвчин болоод байна

Нийслэлийн Засаг даргын хэрэгжүүлэгч агентлаг Нийслэлийн Эрүүл мэндийн газрын даргаар Б.Бямбадорж томилогдож, үүрэгт ажлаа 2021.02.08 хүлээн авсан. Хотын дарга Д.Сувъяабазарын хийсэн томилгоо.

Fact 1: Улсын нэгдүгээр эмнэлгийн захирлаар ажиллаж байх үедээ тус эмнэлгийн тоног төхөөрөмжийг өөрийн эзэмшлийн “Шинонмед” гэх эмнэлэг рүү зөөж, уг үйлдэл нь илчлэгдэн шалгагдаж эхлэхэд ичсэн үү бантсан уу тоног төхөөрөмжүүдийг буцаан өгсөн.

Fact 2: Б.Бямбадорж НЭМГ-ын даргаар томилогдсоны дараа буюу өнгөрсөн оны 5 дугаар сард түүний “шиномед” эмнэлэг дээр ковидын ор дэлгэх тусгай зөвшөөрөл гарсан.

Fact 3: “Шинонмед” эмнэлэг нь 60 ортой. Гэтэл эмнэлгийнхээ орны тоог 150 хэмээн мэдүүлж, Оринтал зочид буудалд ор дэлгэн эмчилгээ хийж байсан. 2021 оны 6 сараас 22 оны 1 сар хүртлэх хугацаанд нийт 4 тэрбум орчим төгрөгийг эрүүл мэндийн даатгалын сангаас авсан.

Тодруулбал:  Б.Бямбадоржийн эзэмшлийн “Шинонмед”  эмнэлэг нь өмнө нь “Туйплин шинэ зууны эмнэлэг”, “Эрин эмнэлэг” гэх зэрэг нэрээр үйл ажиллагаа явуулж байгаад “Шинонмед” болгон өөрчилжээ. “Шиномед” эмнэлгийн хувьцаа эзэмшигч “Хурилдуур” ХХК-ны гүйцэтгэх захирал Ц.Оюунгэрэл, НЭМГ-ын дарга Б.Бямбадоржийн эхнэр.

Fact 4: Б.Бямбадорж томилогдоод НЭМГ-аас 3ахиргаа удирдлагын хэлтсийн дарга Б.Одгэрэл, Санхүү хөрөнгө оруулалтын хэлтсийн дарга 3.Отгонбаяр, Эмнэлгийн тусламжийн хэлтсийн дарга М.Мөнхдэлгэр зэрэг мэргэжилтнүүдийг халсан. Ингээд оронд нь төрийн албаны шалгалт ч өгөөгүй хүмүүсийг авч хууль бус томилгоо хийсэн.

Тодруулбал:  Өөрийн гэх хүмүүсээр хүрээлүүлж, нутаг ус, урьд нь хамт ажиллаж байсан хүмүүсээ ажилд авсан. НЭМГ-ын ажлыг сайжруулах, удирдлагын менежментийг боловсронгуй болгоход чиглэгдсэнгүй. Төрийн алба бус Б.Бямбадоржийн төрлийн алба болов. Захиргаа удирдлагын хэлтсийн даргаар шинээр томилогдсон Д.Х нь Б.Бямбадоржтой урьд нь хамт ажиллаж байсан, нэг нутгийн хүмүүс. Түүнчлэн Эмнэлгийн тусламжийн хэлтсийн даргаар томилогдсон Б.Н нь мөн л Б.Бямбадоржтой нэг аймгийнх. Энэ мэтчилэн Хяналт шинжилгээ үнэлгээний хэлтсийн дарга Б.А, Санхүү хөрөнгө оруулалтын хэлтсийн даргаар томилогдсон П.А нар нь эрх ашгийн зөрчилтэй тухайн албанд томилогдсон. Тэрбээр төрийн албыг танилын алба болгоод зогсохгүй хувийн эмнэлгийнхээ нэрийг өөрчилж, тендер “түүж”  коронавирусны ачаар халаасаа зузаалжээ.

Fact 5: Төсвийн хэмнэлт гэж дээр дооргүй ярьж, улсын төсөв хүндхэн байгаа энэ цаг үед төрийн албыг данхайлгаж, таван хэлтэстэй байсан НЭМГ-ыг найман хэлтэстэй, хоёр ч орлогч дарга, хоёр зөвлөхтэй болгон өргөтгөсөн.

Тодруулбал: Засгийн газрын агентлагийн талаар авах зарим арга хэмжээний тухай 2016 оны дөрөвдүгээр тогтоол. Үүнд  “Хуульд өөрөөр заагаагүй бол Засгийн газрын агентлаг нь 100-гаас дээш ажилтантай бол дэд дарга (орлогч дарга) нэгтэй, зуугаас цөөн ажилтантай бол дэд буюу орлогч даргагүй байх чиглэл баримтлах, Засгийн газрын агентлагийн үйл ажиллагааг илүү шат дамжлагагүй зохион байгуулж ажиллуулах шаардлагыг харгалзан агентлагийн зохион байгуулалтын бүтцийн нэгжийг орлогч даргагүй, газар нь дотроо хэлтэсгүй, хэлтэс нь тасаг, албагүй, орон тоог нь долоогоос доошгүй байх чиглэл баримтлах гэж заасан байдаг.

Fact 6: Эрүүл мэндийн газрын тусгай зөвшөөрөл 20 сая төгрөгийн ханштай болсон гэх яриа салбарын хүмүүс дунд явна. Энэ мэт эрх мэдлээ ашиглан өөрийн хувийн бизнест давуу байдал олгож, ашиг сонирхолын зөрчил гаргасаар байтал холбогдох хууль хяналтын байгууллагууд хариуцлага тооцдоггүй нь гайхалтай.  Халаа сэлгээг дураараа хийж, хувийн эмнэлгээ ковидын эмчилгээ үзүүлэх эмнэлгийн тоонд багтаан их хэмжээний ашиг олсон, Амин хувийн бизнес төрийн албан ажил хоёроо ялгахгүй яваа цагаан халаадтан Б.Бямбадоржид хяналт шалгалт тавьж ажилладаг байгууллага гэж байна уу.. www.KEY.mn