Хүн бүр эрүүл байх бүрэн боломжтой гэв

НҮБ-ын судалгаагаар дэлхийн хүн амын өвчлөлийн 80 гаруй хувь нь буруу хооллолтоос үүддэг гэжээ.

Тэгвэл эрүүл хооллолтын ач холбогдлын талаар хоол зүйч Д.Буяндэлгэр: "Хүн эрүүл, өвчлөлгүй байх бүрэн боломжтой. Энэ нь хоол хүнснээс шууд шалтгаалдаг. Хоол хүнсэндээ жимс жимсгэнэ, хүнсний ногоог түлхүү хэрэглэснээр эрүүл байх боломж бүрдэнэ. Яагаад гэхээр хүнсний ногоо нь эрдэс амин дэм, уураг ислэгээр баялаг. Эдгээр нь хүнийг эрүүл байлгах үндсэн шалтгаан. Дэлхийн эрүүл мэндийн байгууллагаас хүн хоногт 400 грамм жимс жимсгэнэ, хүнсний ногоог хэрэглэхийг зөвлөж байгаа. Тэр дундаа ногоон өнгийн ургамлыг түлхүү хэрэглэх хэрэгтэй. Энэ нь хүний биеийг хоргүйжүүлэх үйлчилгээ үзүүлж байдаг. Нэг төрлийн ногоог дагнан өдөртөө хэрэглэсэн ч болно. Эсвэл хоёроос гурван төрлийн ногоог холиод хоол хүнсэндээ хэрэглэж болох юм" гэжээ.  

Б.Амина