Ирэх даваа гарагт төрийн албаны ерөнхий шалгалт орон даяар эхэлнэ

2021 оны 11 дүгээр сарын 15-ны өдрийн 08:00 цагаас орон даяар төрийн албаны ерөнхий шалгалт  зарлагдсан хуваарийн дагуу  нэгэн зэрэг эхлэхээр болжээ. Аймаг орон нутагт 11 дүгээр сарын 17-ны өдрийг дуустал, Улаанбаатарт 11 дүгээр сарын 21-ний өдрийг дуустал хугацаанд өдрийн 5 ээлжээр шалгалтыг зохион байгуулах юм байна. Шалгалтын хуваарьт өдөр хүртэлх хугацаанд өөрийгөө дайчлан Төрийн албаны зөвлөлөөс албан ёсоор эрхлэн гаргасан “Төрийн албаны шалгалтын сорил” ном болон “E-TAZ” гар утасны аппликэйшн ашиглаж шалгалтдаа бэлтгэхийг Төрийн албаны зөвлөлөөс  зөвлөлөө. Түүнчлэн бусдын эрүүл мэнд, таны хариуцлагаас шалтгаалахыг анхаарч, халдвар, аюулгүйн дэглэмээ чанд сахин шалгалтдаа оролцохыг уриалав.

Т. Лхамсүрэн