Д.Ганбат: Монголын ганц бие иргэдэд баярын мэнд хүргэв

Эл өдрүүдэд УИХ-ын чуулганы нэгдсэн хуралдаан үргэлжлэн явагдаж байгаа билээ. Тэгвэл өнөөдрийн хуралдааны үеэр УИХ-ын гишүүн, АН-ын бүлгийн дарга Д.Ганбат: “Орчин цагийн боловсролын байгууллага үүссэний 100 жилийн баярын мэндийг монголчууддаа хүргэе. Өнөөдөр дэлхийн синглчүүдийн өдөр юм байна. Монголынхоо ганц бие иргэддээ баярын мэнд мэнд хүргэе" гэлээ. Нэмж дурдахад: Арваннэгдүгээр сарын 11-ний өдөр нь дан нэгийн тоонуудаас бүрддэг өдөр тул Хятадад Валентины баярын эсрэг өдөр буюу Ганц биечүүдийн өдөр болгон албан бусаар тэмдэглэсээр удаж буй. Түүнчлэн Алибаба групп энэ өдрийг 2009 оноос хойш 24 цаг үргэлжилдэг хямдралын баяр болгон өөрчилсөн байдаг.

Т. Лхамсүрэн