Н.Алтанхуяг: МАН 60 гаруй гишүүнтэй болсноос хойш завхарч байна

УИХ-ын намрын чуулганы ээлжилт хуралдаан үргэлжилж байна. УИХ-ын гишүүн Н.Алтанхуяг чуулганы нэгдсэн хуралдааны эхэнд үг хэллээ. Тэрбээр “Монгол Улсад улс төрийн хоёр нам бий. Гэтэл өнөөдөр нэг нам нь нөгөөгөөрөө тоглож байна. МАНАН болохоо байлаа. Монголд шударга ёс алга боллоо. Хаана байна, энэ улсын өмч хөрөнгө идсэн уусан хүмүүсийг “наана, цаана” болгоно гэсэн. Ардчилсан намаар ингэж тоглож байхад Монголд хууль хэрэгжиж байгаа гэж итгэхэд бэрх боллоо. Төрийн байгууллагууд дагаж далдганадаг даргынхаа заавраар ажиллаж болох юм уу. Энүүгээр далимдуулж хэд хэдэн сонгуульд өрсөлдөгчгүй ялалт байгуулж байна. Ингэж болох юм уу? МАН 60 гаруй гишүүнтэй болсноос хойш юм их завхарч байна. Мөнгө төгрөг, улсын төсвийг хайр гамгүй үрж байна. Ардын намынхан тэр чигээрээ биш л дээ. Энд эрүүлээр сэтгэдэг, зөв зүйл ярьдаг гишүүд бий. Улс орон 2-3 дарангуйлагчийн гарт орчих шиг боллоо. Элбэгдорж гэж дарангуйлагч байсан бол одоо Хүрэлсүх гэж дарангуйлагч гарч ирж байгаа юм уу? Хаашаа юм. Ард түмнээс эрх авсан бол үгээ хэлээд, юм хий” гэв.

Б.Эрдэнэзаяа