Махны өргөтгөсөн худалдааг энэ сарын 20-ноос эхлүүлнэ

Нийслэлийн хүн амын махны хэрэгцээг хангах, нийлүүлэлтийг нэмэгдүүлэх зорилгоор 11-р сарын 20-ны өдрөөс ирэх сарын 20-ны өдрийг хүртэл “Өвлийн идэш” өргөтгөсөн худалдааг зохион байгуулахаар болсон байна. Тус худалдааг хотын төвийн 6 дүүргийн 31 байршилд зохион байгуулах бөгөөд нийт 3400 тонн махыг бэлтгэн нийлүүлэх юм . Өргөтгөсөн арга хэмжээний хүрээнд идэшний махнаас гадна цагаан идээ, орон нутгийн онцлох бүтээгдэхүүн, идэшний зориулалтаар үйлдвэрт бэлтгэж савласан мах зэргийг тодорхой цэгээр, хуваарийн дагуу зохион байгуулна. Мөн орон нутгаас хувийн хэрэгцээнд зориулан бэлтгэсэн идшийг тээвэрлэх, хүргэх үйлчилгээг хүнсний худалдааны логистикийн сүлжээ, шуудангийн үйлчилгээг ашиглан зохион байгуулахаар төлөвлөж, хамтран ажиллах хүсэлтээ хүргүүлжээ.  

Т. Лхамсүрэн