Итгэл ...

Хүмүүсийн амьдралын хэрэгцээ шаардлага, соёл боловсрол өөрчлөгдөж, бид боломжгүй байсан зүйлийг бий болгож бас өнгөрсөнд алдах зүйлээ ч алдаж байна. Хөгжил гэх нэрийн дор хөгжиж байгаа ухарч байгаагаа ч ялгахгүй өөр хоорондоо арсалдаж суусаар төөрөлдлөө.

Тэгвэл хөгжил гэж юу юм? Хөгжил гэдэг бол иргэд нь төрд итгэх итгэлээр хангагдсан, нийгэм нь өөдрөг сэтгэл зүйтэй, хүн бүрийн авъяас чадвар, урам зориг, хүсэл тэмүүллийг нээн гаргасан, бүтээлч ард түмэнтэй нэг цул улс байхыг хэлнэ.

  Зураг №1 Итгэлийн давхарга Төрд итгэх итгэл алдрахад нийгэмд итгэх итгэл хэврэг болж, нийгэмд итгэлгүй болсноор хүн хүндээ итгэхээ больж, өөртөө итгэх итгэлийг ч алдруулж гэмт хэргийн гаралтанд нөлөөлдөг байна.  Энэ байдал нь нийгмийн сэтгэл зүйн уруу дорой хандлагыг бүрдүүлдэг нь төрийн удирдлагад тулгарч байгаа асуудал гэж авч үзэхээс аргагүй юм. Зураг №2 Судалгаанд хамрагдсан байгууллагуудын төрөл, тоо 2018 оны судалгаагаар Монголчуудын төрдөө итгэл алдарсан үзүүлэлт 64,5%  хүрчээ. Мэдээлэл технологи хөгжиж мэдээлэл өгч авах боломжууд нь бий болсон. Гэвч манай төрд ил тод нээлттэй байх хүсэл алга уу, чадвар нь алга уу гэдэг асуулт хэвээрээ байна. Зураг №3 Байгууллагуудын ил тод байдлын түвшинд эзлэх хувь Төрийн ил тод байдлыг хангах үүднээс Шилэн дансны хуулийг ерөнхийлөгч асан Ц.Элбэгдорж санаачлан, 2014 онд УИХ-аас батлуулсан. Хууль гарснаас хойш хэрэгжилтэд хяналт тавих,  хууль зөрчсөн тохиолдолд тооцох хариуцлагыг сулруулсан гэж үзэх хүмүүс бий. Ардчилсан улс гээд байга хэрнээ Монгол хариуцлагатай улс болж чадаагүй. Хариуцлагатай улс гэж албан тушаалтнуудтай хариуцлага тооцоод унагаж болдог, буулгаж болдог тэр арга хэрэгсэл нь хүмүүсийн гарт байдаг улсыг хэлнэ. Үүнийг хууль тогтоомж дээрээ үндэслэн технологийн хөгжлийг ашиглан цахим засаглалыг үр дүнтэй хэрэгжүүлэх явдал юм.

Сэтгүүлч: Ч. Саранзаяа