Нийтийн тээврийн үйлчилгээ сайжирвал түгжрэл буурна гэж үзэв

Улаанбаатар хотын түгжрэлийг бууруулахад зориулж 2022 оны улсын төсөвт анх удаа 420 тэрбум төгрөг тусгасан. Үүний хүрээнд эхний ээлжид нийтийн тээврийн  500-600 автобусыг шинэчлэх юм. Түгжрэлийг бууруулах ажлын мэдээллээс өнөөдөр Монгол Улсын Засгийн газар танилцууллаа. Судалгаанд хамрагдсан иргэдийн 91% нь түгжрэлийг бууруулахын тулд зоригтой арга хэмжээ авах цаг болсон гэж үзэж байна. Тодруулбал, - 86% сургуулийн автобусыг нэмэх - 85% ажлын уян хатан цагийг нэвтрүүлэх - 80% нь чанарын шаардлага хангахгүй тээврийн хэрэгслийн импортыг хязгаарлахыг дэмжсэн - 75% нь нийтийн тээврийн үйлчилгээ сайжирвал машины хэрэглээ буурна - 69% нь явган алхах, дугуйгаар явах боломжийг нэмэгдүүлбэл машины хэрэглээ буурна - 66% нь автомашин зардалтай ч хэрэглэсээр байх болно - 50% нь жолоочийн хариуцлагыг нэмэгдүүлэхийн тулд торгуулийг нэмэх ёстой - 47% нь автомашины хэрэглээ нэмэгдэж байгаа тул хязгаарлах шаардлага үүссэн - 34% нь автомашины шинэ дугаар олголтод квот тогтоодог болохыг дэмжихгүй байна.

Б.Амина