Монголын анхны дижитал бонд 35 минутад арилжаалагдлаа

Монголын анхны дижитал бонд болох Монпэй бондын анхдагч арилжаа өнөөдөр 08:00 цагт нээгдэж, 35 минутын дотор арилжаалагдсан байна.  Монпэй бондыг авахын тулд тухайн  хэрэглэгч ганцхан товч дарахад л хангалттай байсан нь бонд авахаар төлөвлөж байсан иргэдэд илүү хялбар аргаар бонд авах нөхцлийг бүрдүүлж өгөв. Хэрэглэгчдийн хувьд үнэт цаасны данс нээлгэхээс эхлээд хугацааны эцэст өгөөж авах хүртэлх бүх шат дамжлага Monpay апликейшн дээр хийгдэх юм. Түүнчлэн Мобифинанс ББСБ нь “Сэндбокс”-ын журмын хүрээнд зохицуулалт хийж, нэг бүр нь 100,000 төгрөгийн нэрлэсэн үнэ бүхий 10,000 ширхэг нээлттэй бондыг 12 сарын хугацаатай, жилийн 14 хувийн хүүтэйгээр худалдаанд гаргажээ. Сэтгүүлч: Т. Лхамсүрэн