Сэтгүүлчийн хууль ёсны үйл ажиллагаанд саад учруулж буйг эсэргүүцэн сэтгүүлчид тайван жагсаал хийж байна

Сэтгүүлчийн хууль ёсны үйл ажиллагаанд саад учруулж буйг эсэргүүцэн сэтгүүлчид тайван жагсаал хийж байна. nuuts.mn сайтын сэтгүүлч С.Будрагчаа: Би сэтгүүлч Гэрэлмаагийн  нүүр номондоо бичсэнийг уншаад маш их цочирдлоо. Ажлаа хийж байсан сэтгүүлчийн гар утсыг шууд булаан авч, шууд дамжуулалтыг зогссосон. Сэтгүүлчийг уулын уруу руу унагаасан. Зургаан цагийн турш гар утсыг нь хураасан байна. Энэ хугацаанд тэр сэтгүүлчинй гар утсан дээрх бүх мэдээллийг авсан байх, хүний хувийн нууцад халдсан байж болзошгүй. Энэ хэргийн дараа тушаал биелүүлсэн цөөн цагдааг шийтгээд өнгөрсөн нь хангалтгүй гэв. дэнс.м сайтын сэтгүүлч Шинэбаяр: Цагдаа нар дээрээс тушаал авснаар л хөдөлдөг. Тэгэхээр  Хууль зүйн сайд Х.Нямбаатар, Цагдаагийн ерөнхий газрын дарга Ж.Болд нарт хариуцлага тооцох ёстой. Ж.Болд дарга хүний эрхийн мэдрэмжгүй байна. 100 жилийн настай МАН-д өөр хүний нөөц үгүй гэж үү. Ж.Болд дарга хаа байсан хуучны Эрүүгийн хуулийг дахин хэрэглэе гэж ярьдаг. Шүү цагдаад дуудагдаагүй редакц цөөн үлдлээ. Гэтэл бид ардчилсан улсад амьдарч байна. Сэтгүүлчид шүүх цагдаагийн үүдийг сахисаар байна гэв.