НӨАТ-ын буцаан олголтоороо албан татвараа шимтгэлгүй, зөрүүгүй, хурдан шуурхай төлөх боломжтой

НӨАТ-ын буцаан олголтыг улирал тутам олгож байна. Өнгөрсөн оны сүүлийн улирлынхыг хуулийн дагуу энэ сарын 20-ны дотор олгох юм. Ингэхдээ буцаан олголтоос доорх зургаан төрлийн татвараа төлөх боломжтой.

• Автотээврийн хэрэгслийн албан татвар,
• Галт зэвсгийн албан татвар,
• Үл хөдлөх эд хөрөнгийн албан татвар,
• Газрын төлбөр,
• Газрын үл хөдлөх эд хөрөнгийн албан татвар,
• Малын тоо, толгойн албан татвар тус тус орж байна.

Иргэд НӨАТ-ын IV улирлын урамшууллын буцаан олголтоороо албан татвараа шимтгэлгүй, зөрүүгүй, хурдан шуурхай төлөх боломжтой бөгөөд хүсэлтийг энэ сарын 24-ний хугацаанд ebarimt системээр хүлээн авахыг татварын ерөнхий газраас мэдээллээ.