Үндсэн хуулийн эрх зүйн тулгамдсан асуудлуудын талаар хэлэлцлээ

Азийн нийгэмлэгийн Судалгаа, хөгжил  асуудал хариуцсан газраас “Үндсэн хуулийн эрх болон Үндсэн хуулийн шүүх, түүнтэй адилтгах байгууллагуудын Азийн нийгэмлэгийн гишүүд“ сэдвийн хүрээнд  олон улсын 3 дугаар симпозиумыг 2021 оны 11 дүгээр сарын 10-11-ний өдрүүдэд цахимаар зохион байгуулсан байна. Уг симпозиумын үеэр “Ази дахь Үндсэн хуулийн эрхийн нийтлэг үнэт зүйлс ба ялгаатай талууд”, “Үндсэн хуулийн эрх: Шинэ сорилтууд”, “Үндсэн хуулийн шүүхийн шийдвэр болон хүний эрхийн түгээмэл байдал” сэдвийн хүрээнд үндсэн илтгэлийг хэлэлцүүлжээ. Тус симпозиумд Азийн улс орнуудын Үндсэн хуулийн хяналтын байгууллагуудын төлөөлөгчид, эрдэмтэн, судлаачид оролцсоноос гадна Европын Зөвлөлийн Венецийн комиссын Ерөнхийлөгч Жанни Букиккио, Монгол Улсын Үндсэн хуулийн цэцийн дарга, Үндсэн хуулийн шүүх, түүнтэй адилтгах байгууллагуудын Азийн нийгэмлэгийн Ерөнхийлөгч Н.Чинбат нар хүндэт зочноор уригдан оролцсон байна.  

Т. Лхамсүрэн