Доктор, профессор А.Буянбаатар: "Тэрбум мод" аяны хүрээнд тарих модны 40 хувьд агро-ойжуулалтыг хөгжүүлэх санал гаргалаа

Ойн салбарын үндэсний чуулган дөрөв дэх өдрөө үргэлжилж байна. Чуулганы үеэр  ХААИС-ийн Агроэкологийн сургуулийн захирал доктор, профессор А.Буянбаатар: "Тэрбум мод" үндэсний хөдөлгөөний хүрээнд тарих модны 40 хувьд агро-ойжуулалтыг хөгжүүлэх санал гаргаж байгаа талаараа дурдлаа. Харин эрдэмтдийн зүгээс агро-ойжуулалтад тариалах модны 155 сая нь жимс, жимсгэнийн мод байх нь зүйтэй гэж үзсэн байна. Үндэсний хөтөлбөрийн хүрээнд нэг тэрбумаар тоологдох мод таригдвал жилд 480 сая.тн CO2-г шингээхээс гадна -Нэг модноос 5 кг жимс авна гэж үзвэл 775 мян.тн ургац хурааж 5.7 их наяд төгрөгийн орлого олох

• -Цөлжилтөд хүчтэй өртсөн талбайн 4.4 хувь, нэн хүчтэй өртсөн талбайн 2.7 хувийг сааруулахад тодорхой хувь нэмэр оруулна гэв. Түүнчлэн агро-ойжуулалтыг амжилттай хэрэгжүүлсэн улс маш олон байдаг. Жишээлбэл: БНХАУ 1978 оноос мод тарих ажлыг эрчимтэй хэрэгжүүлж, өнгөрсөн хугацаанд 4 сая.га талбайд ойжуулалт хийсэн. Үүний 98 хувь нь агро-ой . Харин манай орны хувьд Өмнөговь аймагт "Агро-ойн парк" сургалт судалгаа, үйлдвэрлэлийн төвийг байгуулан ажиллаж байгаа төдийгүй тухайн талбайд  төрөл бүрийн модноос гадна, 20 гаруй төрлийн хүнсний ногоо, 10 гаруй төрлийн эмийн ургамал, малын тэжээл зэргийг амжилттай тариалан, туршиж байгаа юм байна.

Т. Лхамсүрэн