Машин ачилтын журамд өөрчлөлт оруулах саналыг танилцууллаа

Нийслэлийн иргэдийн Төлөөлөгчдийн Хурал Тээврийн хэрэгслийг зөөвөрлөн шилжүүлэх, түр саатуулахтай холбоотой журмын хэрэгжилтийн явц, иргэдэд хүндрэл чирэгдэлгүй зохион байгуулах чиглэлээр болон шинэлэг систем нэвтрүүлэх асуудлыг судалж, санал дүгнэлт гаргах чиг үүрэг бүхий ажлын хэсгийг байгуулсан билээ. Тэгвэл тус ажлын хэсэг өнөөдөр холбогдох тэргүүлэгчдэд өөрсдийн байр суурийг илэрхийлж  төр хамтарсан байдлаар ажиллуулах, автозамын санд уг үйлчилгээнээс тодорхой хэмжээний хувийг төвлөрүүлэх, гэрээт цагдаа ажиллуулах, иргэдэд урьдчилан утсаар мэдэгдсэний үндсэн дээр ачих хэрэгтэй гэлээ. Мөн  “Одоо мөрдөгдөж буй журмаар зөвхөн иргэн, хувийн хэвшлийн хооронд харилцаа үүсэж байгаа талаар дурдаж төрийн байгууллагын зохицуулалт дан ганц зөвхөн журмаар зохицуулагдана гэдэг нь ойлгомжгүй байдлыг үүсгэж байгаа талаар санал солилцлоо. Түүнчлэн ажлын хэсгийн зүгээс автомашин ачилтын журамд оруулах өөрчлөлтүүдийг боловсруулж, тодорхой зохицуулалтуудыг журамд өөрчлөлт болгон оруулахаар санал болгож байгаа юм байна.

Т. Лхамсүрэн