"Magic Box” Монгол орон даяар гэрэл түгээнэ

Нийслэл хотын төв талбайд контейнерыг номын сан болгон тохижуулж, хүүхэд залуусыг хичээл хийх таатай орчин нөхцөлөөр хангаж эхэлжээ. Энэхүү “Magic Box” төслийг "Ид шидийн орон" хүүхэд хамгааллын төвийг санаачлагч Ч.Ганжавхлан тэргүүтэй хэсэг залуус санаачлан анхны контейнерыг Сүхбаатарын талбайд тав хоногийн туршид байршуулсан юм. Төслийн хүрээнд Монгол орон даяар буюу 330 сумд, мөн нийслэлийн алслагдмал хэсэгт ч номын санг байршуулах юм. Тэгвэл энэхүү төслийг цаашид өргөжүүлэн хүүхэд бүрд тав тухтай чөлөөт цагаа өнгөрүүлэх орчныг бүрдүүлэхээр тендер зарласан. Өнөөдрийн байддаар уг төслийн эцсийн шалгаруулалт эхлэн, эхний шатанд шалгарсан 41 сум оролцохоор болжээ. Тѳслийг хандив байдлаар санхүүжүүлсэн тохиолдолд эрэмбээр сумуудыг сонгож тѳслѳѳ хэрэгжүүлэхээр тооцсон байна. Харин бусад сумдууд “Magic Box” тѳслийн санхүүжилтийг ѳѳрсдѳѳ босгосон тохиолдолд төслийн санаачлагч нар тэдэнтэй шууд хамтран ажиллахаа мэдэгдлээ.   Сэтгүүлч: Б. Амина