ТОСК-ийн нэр барьж, иргэдээс их хэмжээний мөнгө залилжээ

Цагдаагийн Ерөнхий Газрын мөрдөн байцаах албаны залилах гэмт хэрэг мөрдөн шалгах хэлтэст  “Төрийн орон сууцны корпораци”-ийн нэр барьж, иргэдээс их хэмжээний мөнгө залилсан залилангийн гэмт хэрэг шалгагдаж байна. Иргэн С нь өөрийгөө “Төрийн орон сууцны корпораци”-д нөлөө бүхий ажилтныг таньдаг, тус корпорацаас зарласан хөнгөлөлттэй үнээр иргэдийг орон сууцжуулах хөтөлбөрт хамруулна гэх зэргээр иргэдийг хуурч их хэмжээний мөнгө залилсан байна. Иргэдээс 6 орчим тэрбум төгрөг залилсан болох нь урьдчилсан байдлаар тогтоогдоод байгаа аж.  Тэрээр “Төрийн орон сууцны корпорац” ТӨХХК-тай огт холбоогүй бөгөөд байгууллагын нэрийг барьж, иргэдийн итгэлийг олж, удаа дараа залилан мэхлэх гэмт хэрэг үйлдсэн болох нь цагдаагийн байгууллагын шалгалтаар тогтоогджээ.