ӨНӨӨДӨР БОЛОХ ҮЙЛ ЯВДАЛУУД

Цэнгэг усны нөөц, байгаль хамгаалах төвд 09:00 цагт “Ойжуулалт ба Усжуулалт” үндэсний зөвлөгөөн болно. Блю Скай зочид буудалд 09:00 цагт НҮБ-ын Тогтвортой хөгжлийн сан, “Малчдын нийгмийн хамгааллыг өргөжүүлж, цочролд хариу үзүүлж, бэлэн байдлыг нэмэх нь” хамтарсан хөтөлбөрөөс “Нийгмийн хамгааллын суурь үнэлгээг шинэчилж, санхүүгийн стратеги боловсруулах судалгаа”-ны урьдчилсан дүн, зөвлөмжийг танилцуулна. Төрийн ордонд 10:00 цагт УИХ-ын чуулган хуралдана. Эрүүл Мэндийн Яаманд 10:00 цагт тус яамны газрын дарга нар, Улсын гуравдугаар төв эмнэлэг, ЭХЭМҮТ-ийн удирдлагууд “КОВИД-19”-ийн нөхцөл байдал, Сармагчны цэцэг өвчний талаар мэдээлнэ. Цус Сэлбэлт Судлалын Үндэсний Төвд  11:00 цагт “Цусаа бэлэглэх өдөр”-ийг тэмдэглэнэ. Спортын төв ордонд 11:00 цагт Хөдөлмөрийн баатар, гавьяат тамирчин Э.Содномпилжээ, С.Батцэцэг, Д.Сумъяа нар Спортын анагаах ухаан, эрдэм шинжилгээний төвд бүрэн автомат эмчилгээний ор хандивлана. Монгол Ньюс мэдээллийн төвд 11:30 цагт бусдыг хүчирхийлсэн хэрэгт холбогдсон лам З.Санждоржтой холбоотой асуудлаар иргэн И.Оюун­сүх мэдээлэл хийнэ.