Онцгой байдлын есөн алба хаагчийн хуримын ёслол нэгэн зэрэг болжээ

Олон улсын “Гэр бүлийн өдөр”-ийг жил бүрийн тавдугаар сарын 15-нд тэмдэглэдэг уламжлалтай. Энэхүү өдрийг угтан Нийслэлийн гэр бүл, хүүхэд, залуучуудын газраас санаачлан санаачлан Нийслэлийн Засаг даргын Тамгын газар, Засгийн Газрын хэрэгжүүлэгч агентлаг Гэр бүл, хүүхэд, залуучуудын хөгжлийн газар,  Гэрлэх ёслолын ордонтой  хамтран  Гэрлэх ёслолын ордонд өнөөдөр “Дурсамж” ёслолыг зохион байгууллаа. Энэ үеэр нийслэлийн Онцгой байдлын газраас “Гэрлэх ёслол”-ын ордонтой хамтран есөн алба хаагчийн хуримын ёслолыг зохион байгуулжээ. Хосуудын гэрлэх ёслолын арга хэмжээнд алба хаагчдын үр хүүхэд, гэр бүл, төрөл төрөгсөд, хамт олон найз, нөхөд нь оролцож, аз жаргалтай, баярт мөчийг нь хуваалцсан юм.