Тайваньд үнэгүй сүши идэхийн тулд олон хүн нэрээ "СҮШИ" болгон өөрчилжээ

Тайваний нэгэн сүши ресторан "Сүши" гэх нэртэй хүнд үнэ төлбөргүй үйлчилж, цэсээс хүссэн бүх хоолоо идэхийг зөвшөөрчээ. Тэгвэл зөвхөн үнэгүй сүши идэхийн тулд хүмүүс нэрээ "Сүши" болгон өөрчлөх болсны улмаас тус улсын Бүртгэлийн газарт багагүй ачааалал үүсчээ.

Өнгөрсөн долоо хоногт сүши рестораны эзэн Акиндо Сүширо мэдэгдэл хийж "салмон", "сүши" гэх утгатай ханз нэрэнд нь орсон хүмүүс өөртөө болон 5 найздаа үнэгүй хоол авах эрхтэй урамшуулал зарлаж байна гэжээ. Ингээд тухайн өдрийн 15 цаг гэхэд 28 хүн тийм нэртэй хүн үйлчлүүлж, 1000 гаруй хүн нэрээ солиулах хүсэлтийг Бүртгэлийн газарт ирүүлжээ. Одоогоор албан ёсоор 133 хүн нэрээ "Сүши" болгон өөрчилжээ. Тус улсад нэрээ солиулах хүсэлт 3 ам.долларын үнэтэй бол хоёр хүн нэг дор суун сүши идэхэд дунджаар 460 ам.долларын зардал гардаг аж.

Ийнхүү их хэмжээний нэр солих хүсэлтэд дарагдсан тул Бүртгэлийн газраас мэдэгдэл хийн, иргэд насан туршдаа нэрээ ердөө 3 удаа солиулах эрхтэй тул болгоомжтой хандахыг сануулжээ.

Эх сурвалж UB.LIFE