Д.Нямхүү эмчийг албан тушаалаа урвуулан ашигласан хэмээн баривчилжээ

АТГ-аас ХӨСҮТ-ийн захирал асан Д.Нямхүүг баривчилж, цагдан хорих 461-р ангид хорьжээ. Өчигдөр шөнө саатуулсан түүнийг прокурорын зөвшөөрлөөр 48 цаг цагдан хорино. Тодруулбал, 2020 онд ХӨСҮТ-ийн захирлаар ажиллаж байхдаа албан тушаалын байдлаа урвуулан ашиглаж, өндөр үнэтэй компьютер томографын аппарат шахсан хэрэг нь нотлогдсон гэх мэдээлэл байна. Түүнчлэн ХӨСҮТ-ийн даргаар ажиллаж байх хугацаандаа иргэдээс цугларсан хандив тусламжийн мөнгийг хувьдаа завшсан байж болзошгүй байгаа гэв. Харин 48 цагийн дараа түүнийг үргэлжлүүлэн хорих эсэх саналаа шүүхэд хүргүүлэх юм.