Ш.Адьшаа: Ковидын хуулиар далимдуулж УИХ-ын бүрэн эрхэд халдаж байна

УИХ Цар тахлаас урьдчилан сэргийлэх, тэмцэх, нийгэм, эдийн засагт үзүүлэх сөрөг нөлөөллийг бууруулах тухай хуулийн үйлчлэх хугацааг 2022 оны зургадугаар сарын 30-ны өдрийг дуустал сунгах эсэхийг хэлэлцээд дэмжсэн. Энэ үеэр УИХ-ын гишүүн Ш.Адьшаа ковидын хуулиар далимдуулж УИХ-ын бүрэн эрхэд халдаж байгаа тул дэмжихгүй гэдгээ илэрхийлэв. Тэрбээр, "Өнөөдөр УИХ-ын бүрэн эрхэд халдсан төсвийн хөрөнгө, мөнгийн захиран зарцуулах эрхтэй холбоотой энэ асуудал дээр бид хууль дээдлэх зарчмыг баримталж  ажиллах ёстой. Засгийн газарт энэ хууль болон бусад хууль эрхзүйн зохицуулалтаар төсвийн тодотгол хийж төсөв хөрөнгө зарцуулах асуудлыг яаралтай горимоор шийдэх эрх нь нээлттэй байгаа" гэв.