Х.Болорчулуун: Монголчууд хонь шиг ийм хүлцэнгүй байж болохгүй

УИХ-ын чуулганы өнөөдрийн хуралдаанаар “Оюу толгой ордоос Монгол Улсын хүртэх үр ашгийг хангуулах арга хэмжээний тухай” УИХ-ын тогтоолын төслийн эцсийн хэлэлцүүлгийг хийж байна. Энэ үеэр УИХ-ын гишүүн Х.Болорчулуун "Дубайн гэрээ гэж бид нар яриад байгаа боловч яг үнэндээ Улаанбаатарын гэрээ. Хэрвээ бид Ч.Сайханбилэгийн Засгийн газрыг огцруулчихсан байсан бол ийм асуудал яригдахгүй. Үнэн үг хэлсэн нь попорч байгаа юм биш. Ганц би биш, жижиг хувьцаа эзэмшигчид нь одоо энэ шулж мөлжиж байгаа байдлыг нь тэвчиж чадахгүй гаднаа хэрүүл ам хийгээд, шүүхдэлцэж байна. Монголчууд хонь шиг ийм хүлцэнгүй байж болохгүй" гэв.