Ерөнхийлөгчийн нэрэмжит цомын төлөөх барилдаанд Улсын харцага Б.Бат-Өлзий хоёр дахь удаагаа түрүүллээ

Үндэсний эрх чөлөө, тусгаар тогтнолоо сэргээн мандуулсны 110 жилийн ойд зориулсан Ерөнхийлөгчийн нэрэмжит цомын төлөөх барилдаан  өчигдөр буюу 2021.12.29-нд Монгол бөхийн өргөөнд боллоо. Уг барилдаанд улсын аварга П.Бүрэнтөгс, улсын арслан Ц.Содномдорж, улсын гарьд М.Бадарч, улсын заан Д. Анар, Ц. Одбаяр улсын харцага А.Цацабшир тэргүүтэй хүчит 128 бөх  зодоглосноос улсын харцага Б.Бат-Өлзий түрүүлж, Монгол Улсын Ерөнхийлөгчийн шилжин явах цомын эзнээр дахин тодорсон байна. Харин их шөвөгт улсын заан Д.Анар, улсын харцага Т.Баасанхүү нар шалгарсан бол дунд шөвгийн наймд улсын харцага О.Хангай, Н.Золбоо, Ц.Мөнхбаяр, улсын начин Г.Ганжад нар үлджээ.