Улсын дээд шүүх өнөөдөр АН-ын даргаар хэнийг бүртгэхээ шийдэхээр болжээ

Монгол Улсын дээд шүүх өнөөдөр нийт шүүгчийн ээлжит хуралдаанаа хийхээр товлосон байна. Уг хуралдаанаар АН-ын даргаар хэнийг бүртгэх тухай асуудлыг хэлэлцэх юм. Хоёр талд хуваагдсан АН өмнө нь УИХ-ын гишүүн О.Цогтгэрэл, НИТХ-ын төлөөлөгч М.Тулгат нарыг намын даргаар бүртгүүлэх хүсэлтээ Улсын дээд шүүхэд хүргүүлж байжээ. Гэвч Дээд шүүх тэднийг хэнийг нь ч бүртгэхээс татгалзаж, дотоод маргаанаа шийдвэрлээд дахин хандахыг зөвлөсөн байна. Харин энэ удаад О.Цогтгэрэл, М.Тулгат нар нэгдэж хуульд нийцэж байгаа нэгнийг маань намын даргаар бүртгэж өгнө үү гэсэн хүсэлтийг Улсын дээд шүүхэд хүргүүлээд байгаа аж.