“Монголд үйлдвэрлэв-2021” үзэсгэлэн худалдаа зохион байгуулагдлаа

Монгол Улсад хоршооны салбар үүсч хөгжсөний 100 жилийн ой энэ онд тохиож байгаатай холбогдуулан  хоршоологчид, ЖДҮ эрхлэгчдийг дэмжих, орлогыг нь нэмэгдүүлэх зорилгоор “Монголд үйлдвэрлэв 2021” үзэсгэлэн худалдааг зохион байгууллаа. Уг үзэсгэлэн худалдааг ХХААХҮЯ, Жижиг, дунд үйлдвэрийн газар, Монголын хоршооллын үндэсний нэгдсэн холбоо хамтран зохион байгуулсан байна.

Үзэсгэлэн худалдаанд нийт 140 орчим иргэн, ААН оролцон өөрсдийн бүтээсэн үндэсний бараа бүтээгдэхүүнээ иргэдэд сурталчлан таниулж, худалдан борлуулжээ. Мөн хамтын хөдөлмөрөөрөө нэгдсэн 30 орчим хоршоо оролцож  3 өдрийн дотор 120 сая төгрөгийн борлуулалт хийсэн байна.