1986 оноос хойш төрийн зүгээс эрчим хүчний нэг ч шинэ эх үүсвэрийг бариагүй

Эрчээ алдсан эрчим хүчний салбар манай улсын хөгжлийг сааруулагч томоохон хүчин зүйлсийн нэг болоод буй. Ирэх жилээс эхлэн хөгжлийн хамгийн том хурдасгагч хүч болдог эрчим хүчний салбар томоохон бүтээн байгуулалтыг эхлэхээ мэдэгдсэн.

---

Эрчим хүчний салбар ямар нөхцөлд байна вэ?

• Дулааны үйлдвэрлэл хэрэглээнээсээ 26 хувиар хоцорсон;
• Цахилгаан үйлдвэрлэл хэрэглээнээсээ 16 хувиар хоцорсон;
• 2021 оны эхний 9 сарын байдлаар ДЦС-уудын үндсэн тоноглолууд 76 удаа аваарын зогсолт хийсэн байна.

Манай улс 1986 онд ДЦС4 баригдсанаас хойш эрчим хүчний нэг ч шинэ эх үүсвэрийг төрийн зүгээс байгуулж чадсангүй. Мөн дулааны цахилгаан станцуудын насжилт 35-60 жил, цахилгаан дамжуулах түгээх сүлжээний насжилт 32-62 жил болж 40 гаруй хувийнх нь ашиглалтын хугацаа дуусжээ. Иймээс эрчим хүчний салбарт бодлогын шинэчлэл хийнэ гэдгийг Ерөнхий сайд мэдээлсэн байна.  Манай улс эрчим хүчний импортод жилд дунджаар 400 гаруй тэрбум төгрөг зарлагаддаг.