"Хараагүй ч гэлээ амьдрах эрхээ эдлэх ёстой"

Нийслэл хотод явган хүний замыг шинэчлэн тавихдаа хараагүй иргэдэд зориулсан хэсэгтэй болсон нь давуу тал боловч энэ нь шонгийн мод, самбар зэргийг холдуулахгүйгээр тавьсан нь “хорлосон” хэрэг ч юм шиг. Энэ талаар хэвлэл мэдээллийн хэрэгсэлээр үе үе дуугардагч засч залруулсан зүйл одоогоор огт байхгүй. Олон улсын стандартад явган хүнд зориулсан зам тавихдаа гол хэсэгт шар өнгөөр хараагүй иргэдэд зориулсан тусгай товгор бүхий хавтанг суурилуулдаг байна. Энэ шар хавтангийн товгор нь шулуун байх ёстой.

Мөн авто машины замтай дөхөж очиход уг шар хавтанг бөөрөнхий товгортойгоор хийх төдийгүй жижиг шонгуудыг суулгаж өгөх нь хараагүй иргэдийг авто тээврийн осолд өртөхөөс тодорхой хэмжээнд сэргийлдэг байна.

Гэтэл манай улсын явган замд зам тээврийн ослоос сэргийлэх нь байтугай зам нь тэг дундаа шонгийн мод "мөргөх" ч явдал бий. Үүгээр ч зогсохгүй өвлийн улирал эхлэн зам хальтиргаа, гулгаатай болсон энэ цагт хараатай хүн байлаа ч энэ зам дээр хальтарч унах нь олонтаа. "Хөгжлийн бэрхшээлтэй" дэд бүтцээ хэзээ иргэддээ ээлтэй болгох вэ?