“Аэро Монголиа”-ийн онгоц дугуй нь хагарсныг мэдэлгүй нислэг хийжээ

“Аэро Монголиа” компанийн Embraer-145 маркийн онгоц өнгөрөгч долоо хоногийн Мягмар гарагт буюу энэ сарын 16-нд баруун аймгуудын чиглэлд хөөрч, Завхан аймгийн “Доной” нисэх буудалд 16 цагийн орчимд газарсан. Учир нь тус онгоцны баруун дугуй нь хагарсан гэдгийг сүүлд мэдэн ийнхүү Завхан аймагт газардуулсан байж болзошгүй байна.

Тодруулбал, албаны хүмүүс “Чингис хаан” нисэх буудлын хөөрөх зурваст шалгалт хийхэд үед “нисэх зурвасны гадаргуугаас тус онгоцны дугуйны резины хэсгүүд олдсон" байна. Ингээд тус онгоцыг ойролцоох нисэх буудалдаа яаралтай буухыг газрын удирдлагаас өгчээ. Энэ талаар тус онгоцоор зорчсон зарим иргэд, “Чингис хаан нисэх буудлаас хөөрөх үеэр л тас хийх чимээ гарсан. Ер нь яаж овоо осолдчихгүй газардсан юм. Бурхан минь” гэжээ.

“Embraer-145 маркийн онгоц нь нэг дугуй болоод нэг хөдөлгүүр дээрээ ямар ч асуудалгүй буулт хийхээр бүтээгдсэн. “Аэро Монголиа” компанийн Embraer-145 маркийн онгоцны хувьд “дугуй” нь Хөшигийн хөндий дэх шинэ нисэх буудлын гүйх зурваст хөөрөх гээд явж байхад нь хагарсан байж болзошгүй байгаа. Харин айрпортын шалгалтын автомашин онгоц хөөрөнгүүт нь гүйх зурваст эргүүл хийсэн бол хагархай дугуйтайг нь мэдээд Хөшигийн хөндийд буцааж дуудах боломж байсан.