АТҮТ-ийн албан тушаалтан олон удаагийн авлига авсан үйлдлийг илрүүлжээ

Авлигатай тэмцэх газраас явуулсан мөрдөн шалгах ажиллагааны дүнд Авто тээврийн үндэсний төвийн Мэргэшсэн жолоочийн тасгийн мэргэжилтэн Б-г бусдаас хахууль авсан, эрх мэдэл, албан тушаалын байдлаа урвуулан ашигласан гэх үндэслэлээр шалгаж буй. Тодруулбал:

Авлигатай тэмцэх газрын мөрдөгчид 11 дүгээр сарын 22-ны өдөр Улаанбаатар хот дахь Авто тээврийн үндэсний төвийн харьяа дөрвөн газарт мөрдөн шалгах ажиллагаа явуулсан байна. Шалгалтын явцад албан тушаалтан Б нь тус төвийн ажилтан Х-аар дамжуулан гурван удаагийн үйлдлээр хахууль авсан нь тогтоогджээ. 

Мөн У гэгчээс 27 удаагийн үйлдлээр хахууль авсан бөгөөд дүүргийн салбарын удирдах албан тушаалтанд долоон удаа хахууль зуучилж өгсөн зэрэг үйлдлүүдийг илрүүлэн шалгаж байна.