Хакерууд Монгол улсын 2.3 сая иргэний мэдээллийг 700$-аар зарж байна

Raidforums.com сайт дээр өнгөрсөн аравдугаар сард нэгэн хакер Монгол улсын 2.3 сая иргэний дэлгэрэнгүй мэдээллийг $700-аар зарахаар байрлуулжээ. Энэхүү мэдээллийг “Mongolia-Marketing Database (4 MILLION RECORDS) (2021)” гэж нэрлэсэн байна. Уг мэдээллийн санд хүмүүсийн нэр, овог, утасны дугаар, мэйл хаяг, гэрийн хаяг, ажил, регистрийн дугаар зэрэг бичлэгийн талбарууд байгааг зар дээрээ дурджээ. Зарыг нийтэлсэн хакер нь энэхүү Raidforums.com сайтад хоёр жилийн өмнө элссэн, өндөр зэрэглэлтэй гишүүн болох нь харагдаж буй юм.

Нэг төгрөг ч хүрэхгүй 0,87 мөнгөөр интернэтийн хар захаас таны хувийн үнэ цэнэтэй мэдээллийг авч болох нь.

2015 онд байгуулагдсан уг сайт нь 500,000 орчим гишүүнтэй, олон улсын хакеруудын мэдээлэл солилцдог форум юм. Энд хакерууд олж авсан мэдээллийн сан, хэрэглэдэг арга техник, аль нэг байгууллагын сүлжээнд халдах гарц зэргийг наймаалдаг ажээ.  

Б.Амина