АНУ-ын хөгжмийн уран бүтээлч "Lil pump" монгол улсад ирж XMF-д оролцоно

Хуур хөгжмийн наадам (XMF) нь 2022 оны 8-р сарын 19-нд төв цэнгэлдэх хүрээлэнд болох XMF-н тайзнаа зохион байгуулагдах гэж байна. Олон улсын хөгжмийн наадмын стандартыг Монголдоо нэвтрүүлэх, Төв Ази бүс нутгийн жуулчдыг татах дэлхийд хүлээн зөвшөөрөгдөх зорилготойгоор 2017 оноос хойш амжилттай зохион байгуулж байгаа юм. Тодруулбал, АНУ-ын реппер “Lil Pump” Монгол Хуур хөгжмийн наадамд хүрэлцэн ирэхээр болсныг онцгойлон дуулгаж байна. Lil Pump нь 2017 онд бие дааж гаргасан анхны цомгийн “Gucci Gang” дуугаар олонд хурдацтай танигдсан. Энэхүү уран бүтээл нь тухайн оны шилдэг 100 дууны топ 3-т бичигдэж платинум цол хүртэж байсан бөгөөд Youtube сувагт 1.1 тэрбум үзэлт авсан бүтээлтэй. Тус дуучин нь 2017 оноос өнөөг хүртлэх хугацаанд гурван цомог болон сингл дуунууд гаргасан бөгөөд тус уран бүтээлүүдэд нь Diplo, Kanye West, Lil Wayne, French Montana, Lil Yachty, YG, 2 Chainz, Offset, Quavo, Annuel AA зэрэг олон уран бүтээлчидтэй хамтран олон олон хит дуунуудыг гаргасан. Энэ жилийн XMF Reborn хөгжмийн тасалбарыг www.boxoffice.mn захиалгын цоо шинэ цогц онлайн платформоор дамжуулан 2022 оны 7-р сарын 8-ны өдрөөс эхлэн урьдчилсан тасалбар буюу Early Monkey Ticket 69,000₮ үнэтэй 2022.08.01ны өдөр хүртэл борлуулагдаж,  2022 08.01-19  хүртэл GA Ticket буюу энгийн тасалбар 109,000₮ төгрөгийн үнэтэй борлуулагдах аж. Мөн XMF Reborn хөгжмийн наадмын ерөнхий зохион байгуулагчаар Circle Park групп ажиллаж байгаа бөгөөд хамтран зохион байгуулагчаар BRB agency агентлаг зохион байгуулж байна. Энэ жил наадмын зохион байгуулагчдын зүгээс анх удаа Монгол улсдаа дэлхийн хэмжээний од авчирч байгаагаас гадна наадмын зохион байгуулалт, орц гарц, хог хаягдал, үзэгчдийн бие засах өндөр хүчин чадал бүхий шийдэл, experience zone, тайз засал зэрэг наадмыг чанарын өндөр түвшинд хийхээр төлөвлөжээ. Наадмын үзэгчдийн нэвтрэх насны доод хязгаар одоогоор 16 нас байхаар тогтоод байгаа юм байна. Монгол улсад ийнхүү дэлхийд хүлээн зөвшөөрөгдөх дотоодын хөгжмийн наадмын анхны салхийг XMF түрүүлж хийлээ. Наадмын зохион байгуулагч нарт амжилт хүсье.