Улаанбаатарт үерийг урьдчилан мэдээлэх, сэрэмжлүүлэх системийн төслийн суурь судалгаа эхэллээ

БНСУ-ын “Жинсан Энг” цаг уурын компанийн гурван мэргэжилтэн Улаанбаатар хот дахь Сэлбэ, Туул голын сав газар орчмын ус, цаг уурын ажиглалтын нэгдсэн мэдээлэлд тулгуурлаж үерийг урьдчилан мэдээлэх, сэрэмжлүүлэх системийн төслийн суурь судалгаа хийх зорилгоор ЦУОШГ болон холбогдох мэргэжилтнүүдтэй хамтран ажиллав.

 Энэ ажлын хүрээнд ЦУОШГ-ын холбогдох мэргэжилтнүүдтэй уулзалт хийж, Улаанбаатар хотын цаг уурын станцаар зочилж, цаг уурын хэмжилтийн механик болон автомат багажуудтай танилцав.

Мөн Сэлбэ, Санзай болон Тэрэлжийн Ус судлалын ажиглалтын харуулууд дээр зочлох юм. Уг төсөл 2025-2031 оны хооронд хэрэгжих төлөвлөгөөтэй байгаа юм.