admin
УИХ-ын хаврын чуулганаар батлагдсан Хөдөлмөрийн тухай хуулийн шинэчилсэн найруулгад “Ажлын байрны бэлгийн дарамт”-ын талаар тусгаж өгсөн. Тухайлбал, "Ажил эрхлэлт дарамт, хүчирийлэл, бэлгийн дарамтыг хориглоно" гэж тодорхой заасан.
Тэгвэл хуулийн хариуцлага чангарсан ч, энэ төрлийн гэмт хэрэг төрийн байгууллагад гарсан хэвээр байгаа бололтой.Тодруулбал, Мэргэжлийн хяналтын ерөнхий газар /МХЕГ/-ын Үндэсний лавлагаа лабораторийн эрэгтэй ажилтан тус газарт ажилладаг эмэгтэйг ажлын байр дээр нь хүчиндсэн хэрэг саяхан гарсан байна. Одоо тус хэрэгт хуулийн байгууллага холбогдох шалгалтыг хийж байгаа ажээ. Сонирхуулахад, МХЕГ-ын даргаар өдгөө Т.Гантулга ажиллаж байгаа бөгөөд тус газар нь Шадар сайд С.Амарсайханы харьяа агентлаг юм. Тэгвэл саяхан гарсан дээрх хүчингийн хэргийг МХЕГ-ын зарим удирдлагууд нуун дарагдуулж, сэжигтэнд хариуцлага хүлээлгэхгүй өнгөрөөж болзошгүй байгаа ажээ.
