Хоёрдугаар Элизабет хатан хаан болсны 70 жилийн ойг тэмдэглэж байна

Британийн хатан хаан хоёрдугаар Элизабетын хаан ширээг залгамжилсны 70 жилийн ой өнөөдөр тохиож байна. Энэ өдөр Их Британи төдийгүй түүний харьяанд байсан долоон улсад "Platinum Jubilee"-г тэмдэглэж байна. "Jubilee" гэдэг нь язгууртнуудын хаанчлалын он жилүүдийн ойг тэмдэглэдэг уламжлал баяр бөгөөд хэдэн жил хаанчилснаас шалтгаалан өөр өөр нэртэй байдаг аж. Тодруулбал

• 25 дахь жилд "Silver Jubilee"
• 40 дэх жилд "Ruby Jubilee"
• 50 дахь жилд "Golden Jubilee"
• 60 дахь жилд "Diamond Jubilee"
• 65 дахь жилд "Sapphire Jubilee"
• 70 дахь жилд "Platinum Jubilee" хэмээх нэрээр тэмдэглэдэг.

Өдгөө 96 настай, хоёрдугаар Элизабет хатан хааны "Platinum Jubilee"-д зориулан Британийн торгон цэргийн жагсаал болж буй бөгөөд нийт 1500 цэрэг, офицер, 400 хөгжимчин, 250 морь, 70 нисэх онгоц оролцсон гэж Британийн Батлан хамгаалах яамнаас мэдээллээ. Хатан хааны эцэг Зургаадугаар Жорж хаан 1952 оны хоёрдугаар сард өөд болоход 25 настай байсан Элизабет хаан ширээг өвлөн авсан бөгөөд 1953 оны зургаадугаар сарын 2-д албан ёсоор хаан ширээнд залжээ. Хатан хаан хоёрдугаар Элизабет нь Британийн түүхэд хамгийн удаан хугацаанд хаан ширээг толгойлж, хамгийн урт насалж буй язгууртан бөгөөд түүний ойн баярыг Британийн колони байсан Австрали, Шинэ Зеланд, Өмнөд Африк, Канад зэрэг орнуудад тэмдэглэж байна.