Иргэд: Хүнд сурталтай, цахимжаагүй төрийн үйлчилгээ чирэгдэл үүсгэсэн хэвээр байна

Энэ тухай тодруулахаар Эрүүл Мэндийн Даатгалын Ерөнхий газрын 1800-1363 дугаар луу залгаж, тодруулах бүрд лавлахууд нь өөр өөр хариулт хэлдэг.

Орон нутгийн харьяалалтай бол заавал НЭГ ЦОНХНЫ ҮЙЛЧИЛГЭЭН дээр очиж төлнө. Гэтэл НЭГ ЦОНХНЫ ҮЙЛЧИЛГЭЭН дээр Нийгмийн даатгалын хэлтсийн мэргэжилтэн гэх орон тоон дээр сууж байгаа мэргэжилтэн нь "АТМ-ээс энэ данс руу тушаа" гэсэн байна.

Edaatgal апп-г ашиглан 2020, 2021 оны ЭМД-аа төлөв. 2019 оныхоо даатгалыг төлөх гэтэл 2019 оны сонголт байсангүй. Ингээд заавал харьяа дүүргийнхээ Нийгмийн даатгал дээр очих шаардлага үүсэв.

Очтол хэдэн төгрөг төлөх ёстойгоо байцаагчаар хянуулна гэв. Хянуулав. Уг нь би урьдчилан 1800-1363 дугаараас хэдэнтээ асуусан байв. Гэтэл "Ойр байгаа банкинд мөнгөө БЭЛНЭЭР тушаа" гэв. Капитрон Банк / Capitron bank / 11 цагийн орчимд "Цайны цаг болох нь оруулахгүй" гэв. Арай гэж маргалдаад оров. Төлсөн баримтаа аваад эргээд НД руу оров. Гэтэл байцаагч нь "За би 2019 оныхыг нь бүртгэж бичлээ гэхэд 2020, 2021 он нь хаана байна" гэв.

Би edaatgal ашиглан төлсөн шүү дээ. Гэвч тухайн байцаагч тухайн мөнгө хаашаа орсныг нь мэдэхгүй гээд НД-ын нягтлан руу явуулав. Нягтлан "Таны шилжүүлсэн данснаас 2 долоо хоногийн дараа надад мэдэгдэл ирж байж, би шивнэ" гэжээ.