Өмчлөх эрхийн эсрэг 66 хэргийг шүүхэд шилжүүлжээ

Өнгөрсөн долоо хоногт прокурорын байгууллагаас хэрэг хянан шийдвэрлэх ажиллагаанд оролцогчдоос гаргасан 155 гомдол, хүсэлтийг шийдвэрлэжээ. Мөрдөгч болон зөрчлийн хэрэг бүртгэх эрх бүхий албан тушаалтанд тодорхой ажиллагаа гүйцэтгүүлэхээр 203 даалгавар бичгээр өгсөн байна. Харин мөрдөн байцаалтын 1132 хэрэгт хяналт тавьж, 182 хэргийг яллах дүгнэлт үйлдэн шүүхэд шилжүүлж шийдвэрлэсэн аж. Тодруулбал, Эрүүл мэндийн халдашгүй байдлын эсрэг 80, Өмчлөх эрхийн эсрэг 66, Хүрээлэн байгаа орчны эсрэг тав, хүчиндэх найм, Хөдөлгөөний аюулгүй байдал, тээврийн хэрэгслийн ашиглалтын журмын эсрэг долоо, авлигын 10,  мансууруулах эм, сэтгэцэд нөлөөт бодисыг хууль бусаар ашиглах гурван хэргийг шүүхэд шилжүүлээд байгаа юм.