ХОМ: УИХ-ын гишүүн Д.Сарангэрэлийн гэр бүлийн орлого 2019-2020 онд 926 сая төгрөгөөр нэмэгдэж, 1.3 тэрбум төгрөгт хүрчээ

Удахгүй шинэ он гарна. Өнгөрсөн 2 жилийн хугацаанд бид цар тахлын хүнд хэцүү цаг үеийг туулж байна. Засаг солигдож, Монгол улс даяар эдийн засгийн хямрал нүүрлэж иргэд модоо барьж, эрүүл мэндийн салбар элгээрээ мөлхсөн өдрүүд үргэлжилсэн. Цар тахлын улмаас 2020 онд Монгол Улсын эдийн засаг сүүлийн 27 жилийн түүхэнд анх удаа 5.3 хувиар буурсан. Удаан хугацааны хөл хорио, хилийн хориг зэрэгтэй холбоотойгоор 27,000 аж ахуйн нэгж орлогогүй болж, 98,000 аж ахуйн нэгж Х тайлан ирүүлсэн гэсэн статистик гарсан билээ.

Эрүүл мэндийн сайд асан Д.Сарангэрэл гишүүний тухайд 2020 онд өөрийн орлого нь өмнөх жилээсээ 4.3 сая төгрөгөөр өссөн бол хадгаламж нь 5.6 сая төгрөгөөр өсөж, 495 сая төгрөг болсон өөрчлөлттэй байна.

Авлигатай тэмцэх газраас ил болгосон төрийн өндөр албан тушаалтнуудын Хөрөнгө, орлогын мэдүүлгээс:

Түүнчлэн УИХ-ын гишүүн Д.Сарангэрэлийн гэр бүлийн орлого 926 сая төгрөгөөр нэмэгдэж, 1.3 тэрбум төгрөгт хүрчээ.

2020 онд  " Төрийн хатан эрдэнэ"-ээр өргөмжлөгдөөд байсан тэрээр ашиг сонирхлын зөрчлийн улмаас хууль бус томилгоо хийсэн гэгдэж АТГ-аар шалгуулаад байсан ч "Ардын хүүхдийг ажилд авч болдоггүй нийгэм юм уу ?" хэмээн намжирдаж суусан нэгэн. Ямартай ч цар тахлын хүнд хэцүү жил түүний хувьд амжилт бүтээлээр дүүрэн өнгөрсөн бололтой.

Б.Эрдэнэзаяа