Цас арилгах бодис, давсны нөөц хангалттай бий

Цастай зэрэгцэн нийслэлчүүдийн хувьд замын халтиргаа гулгаа, автомашины түгжрэл их хэмжээгээр үүсдэг. Тиймээс Улаанбаатар хотын Захирагчийн ажлын алба, Хот тохижилтын газрынхан үүрээс эхлэн хотын замуудад халтиргаа үүсэхээс сэргийлж, зориулалтын бодис болон давс цацаж эхэлсэн байна.  Өнөөдрийн хувьд  29 тонн давс, бодис цацаж байгаа бөгөөд нийслэлийн хэмжээнд зориулалтын бодисын нөөцийн хэмжээ 2253.5 тонн байгаа бол 583 тонн давс нөөцөлсөн гэж НЗДТГ-ын Хэвлэл мэдээлэлтэй харилцах хэлтэсээс мэдээллээ. Мөн  холбогдох байгууллагуудын зүгээс   энэ оны нөөцлөлт хангалттай гэж үзэж байгаа юм байна.