М. Оюунчимэг "Судалгаагаар манай улсад хөдөлмөр эрхлэх идэвхтэй хүн амын ажилгүйдэл өндөр гэж гарсан"

Өнөөдрийн чуулганы хуралдаанаар Ажиллах хүчний шилжилт хөдөлгөөний тухай шинэчилсэн найруулгын төслийг хэлэлцэж байна . Энэ үеэр УИХ-ын гишүүн М.Оюунчимэг "Азийн хөгжлийн банкны судалгаанаас харахад манай улсад хөдөлмөр эрхлэх идэвхтэй хүн амын ажилгүйдэл өндөр байна" гэж гарсан талаар дурдав.  Энэ нь нэгдүгээрт, халамжийн бодлого, хоёрдугаарт Засгийн газраас тодорхой арга хэмжээ авахгүй байгаатай холбоотой. Сүүлийн жилүүдэд 25-34 насны залуус БНСУ, Япон улс руу ажиллахаар гарч байна. 2019 онд Япон улс руу дадлагажигч ажилтан гэдгээр гарсан. Харин цар тахалтай холбогдуулан Солонгос улс руу богино хугацааны гэрээгээр ажиллах иргэдийн тоо багассан" гэв. Мөн тус хуулийн төсөлд хөдөлмөрийн зах зээлийн эрэлт нийлүүлэлтээс хамааран зарим салбарт квот тогтоох эрхийг Засгийн газарт олгохоор тусгажээ. Тухайлбал 2020 онд аль чиглэлийн салбарт илүү их боловсон хүчин шаардлагатай байна тэр нь эрэлт ихтэй нийлүүлэлт бага бол гадагшаа гарахыг нь хязгаарлах эрхийг тогтоох юм байна.

Т. Лхамсүрэн